صاط ريح ...
زعزعني
يمكن شرقي يمكن غربي
و الله ما عرفت
حيت فعلا زعزعني
جف مدادي في قلامي
و خفت .....
خفت عليها ورقة
ايه . خفت عليها طيح
و تتعرى قصيدتي
و تعود مرقعا بالمعاني
آش يداويها جراحي
نغضب . نثور . نصيح
نوقف . نگلس .
نجري ... نطيح
سمح لينا ...
هذا غير مقلب
درناها لك بلعاني
و ما عرفوش بحالي ...
ضاعت مني لقصيدة
و ضاعت لمعاني
شديت في راسي
گلت لو ثبت
ثبت و حصل
إياك تزيح
ليل ...ظلام...
شخير... نفير... و نبيح....
و في ظلام شحال يكثر نگير
البوهالي عروب
08/ 5/ 2024
مكناس
Kommentare
Kommentar veröffentlichen