ألقرشال
قرشل يا القرشال
مضي سنانك
و فك لخبال.
ياك الصوف اغسلتها
و بيدي من الحسكة
نگينها..
وفي فممك و بين سنيك
حطيتها .
مالك ما ابقيتي بحال
قرشال زمان
واش عييتي و لا طاحو
ليك السنان.
وقفتي في يدي
و نويتي العصيان.
بالله عليك غير رطاب
راه الحيل تهد
و الگليب طاب.
اعطيني الطوع
نكمل هاذ الدزة
راه المنجج واگف
بقات فيه غير طية
نكمل و نرتاح و نکول
لراسي درت مزية.
شوف السبولة كيف
خارجة من الخلخال
خيوطها رطبة حربر
وأنت ما بغيتي تقرشل
و لا تسمع لغى لكبير
يا القرشال ضاقت بيا الحال
راني عييت ما نهز ليك من اهبال
حتى النيرة بسبابك وگفات.
و گالت طلگو سراحي
و بالمشط نذبات
لا توگفو حالي
لازم المنجج يكمل ويتكرج
و يبان شغل الحاذگات.
فاطمة خلخال
Kommentare
Kommentar veröffentlichen